Privatësia juaj

Kush jemi

Ftoje (ftoje.net) është produkt i Vushtrria Online SH.P.K., kompani e regjistruar në Kosovë. Kjo politikë vlen për të gjithë përdoruesit e platformës — krijuesit e ftesave dhe mysafirët e tyre.

Çfarë të dhënash mbledhim

• Emrat e eventit (p.sh. emrat e çiftit ose të festuesit)
• Data dhe vendi i ngjarjes
• Numri i telefonit të krijuesit të ftesës
• Email-i i krijuesit (opsional)
• Përgjigjet e mysafirëve (emri, konfirmimi i ardhjes, mesazhi opsional)
• Foto të ngarkuara nga mysafirët — te pakoja Premium

Pse i mbledhim

I përdorim këto të dhëna vetëm për krijimin dhe funksionimin e ftesës suaj dixhitale (shfaqja e detajeve, mbledhja e konfirmimeve nga mysafirët) dhe për t’ju kontaktuar rreth aktivizimit të ftesës dhe pagesës.

Ku ruhen

Të dhënat ruhen në serverët tanë të sigurt, me qasje të kufizuar vetëm për ekipin e Ftoje.

Ofruesit teknikë

Për funksionimin e shërbimit (ruajtja e fotove, dërgimi i email-eve dhe procesimi i pagesave), mund të përdorim ofrues teknikë të besuar. Të dhënat ndahen vetëm sa është e nevojshme për ofrimin e shërbimit dhe nuk shiten kurrë te palë të treta.

Pagesat

Pagesat online kryhen përmes një ofruesi të licencuar pagesash. Ftoje nuk i ruan kurrë të dhënat e kartës suaj bankare.

Të drejtat tuaja

Mund të kërkoni në çdo kohë fshirjen e të dhënave tuaja (ose të ftesës suaj) duke na kontaktuar — shih detajet më poshtë.

Na kontaktoni

Për çdo pyetje rreth privatësisë ose për të kërkuar fshirjen e të dhënave, na shkruani në WhatsApp 048 604 504 ose me email te njoftime@ftoje.net.