Ftoje — Udhëzuesi i Përdorimit

1. Planet dhe veçoritë

Për pakon „Me Porosi“ na kontaktoni në WhatsApp — dizajni dhe kënga krijohen sipas dëshirës suaj.

2. Krijimi i ftesës

1. Hapni ftoje.net dhe shtypni „Fillo tani“.
2. Zgjidhni llojin e ngjarjes: Dasmë, Fejesë, Synet, Ditëlindje, Aheng, Kanagjegj, Konferencë, Seminar ose Përvjetor.
3. Plotësoni të dhënat:
   • Titulli kryesor i ftesës(opsional) — teksti hyrës, p.sh. „Me dashuri ju ftojmë në dasmën tonë“. Nëse e lini bosh, vendoset automatikisht sipas llojit të eventit.
   • Emrat — p.sh. „Alban dhe Albana“.
   • Data dhe ora e eventit.
   • Vendi (salla) dhe qyteti.
   • Google Maps (opsional) — ngjitni linkun e vendndodhjes; mysafirët hapin drejtimet me një prekje.
   • Pritja e mysafirëve(opsionale) — p.sh. „Pritja e mysafirëve nga ora 19:00“. Shfaqet si rresht i veçantë te ftesa.
   • Mesazh (opsional) — një fjalë për mysafirët.
   • Email-i juaj (opsional, i rekomanduar) — për të marrë linkun, kodet dhe njoftimet me email.
4. Muzika (opsionale) — ngjitni linkun e këngës nga YouTube (ose një skedar .mp3). Kënga nis kur mysafiri hap ftesën.
5. Zgjidhni stilin— njërën nga temat (Velvet & Gold, Blush & Floral, Emerald Royal, e të tjera). Parapamja në anën e djathtë tregon live si do të duket ftesa.
6. Pranoni kushtet e përpunimit të të dhënave (checkbox-i para butonit).
7. Shtypni „Krijo ftesën“.

Pas krijimit merrni:

• Linkun publik të ftesës — ftoje.net/f/emrat-tuaj
• Linkun privat të konfirmimeve — vetëm për ju, mos ua jepni mysafirëve
• PIN-in 4-shifror — hyrja alternative te lista e mysafirëve
• Linkun e pagesës — për aktivizimin e ftesës

Nëse keni dhënë email, të gjitha këto ju vijnë edhe me email nga njoftime@ftoje.net. Ruajeni atë email — ju duhet për të hyrë më vonë.

3. Pagesa dhe aktivizimi

1. Pas krijimit, ftesa është e ruajtur por ende jo aktive — mysafirët nuk mund ta hapin.
2. Shtypni butonin „Paguaj … € dhe aktivizo“ — hapet faqja e sigurt e pagesës (Raiffeisen Pay-By-Link). Paguani me kartelë.
3. Pas konfirmimit të pagesës, ftesa juaj aktivizohet (zakonisht brenda pak orësh).
4. Kur të aktivizohet, merrni email njoftimi: „Ftesa juaj është aktive!“ — nga ai moment linku publik hapet për të gjithë.

Nëse dikush hap linkun para aktivizimit, sheh mesazhin: „Kjo ftesë po pret konfirmimin e pagesës dhe do të jetë aktive së shpejti.“

4. Hyrja në panel (Kyçu)

Për të parë kush ka konfirmuar, keni dy mënyra:

Mënyra 1 — Linku privat (më e shpejta)

Hapni linkun privat të konfirmimeve që morët pas krijimit (ose me email). Lista hapet direkt, pa fjalëkalim — linku e përmban kodin e sigurisë.

Mënyra 2 — Me kod dhe PIN

1. Te ftoje.net, shtypni butonin „Kyçu“ (lart, në header).
2. Fusni kodin e ftesës (pjesa pas /f/ te linku juaj — p.sh. alban-albana-a1b2) ose ngjitni linkun e plotë.
3. Fusni PIN-in 4-shifror.
4. Shtypni „Hyr“ — hapet paneli juaj.

5. Lista e mysafirëve (konfirmimet)

Në panel shihni:

• Statistikat: sa veta po vijnë (numri total i personave), sa përgjigje gjithsej, sa s’vijnë.
• Listën me emra: kush konfirmoi, sa persona vijnë me të, dhe mesazhi i tyre (nëse kanë lënë).

Lista përditësohet automatikisht sa herë që dikush konfirmon — s’keni nevojë të bëni asgjë.

6. Shpërndarja e ftesës

Te ftesa publike (dhe te ekrani pas krijimit) keni butonat e ndarjes:

• WhatsApp — hap bisedën me mesazhin dhe linkun gati; ju vetëm zgjidhni personin dhe shtypni Dërgo.
• Viber — njësoj, hap Viber-in me mesazhin gati (punon më së miri në telefon).
• Facebook — hap dritaren e ndarjes; ftesa shfaqet me pamje të bukur (emrat, data, korniza e artë).
• Instagram — në telefon hap fletën e ndarjes; në kompjuter kopjon linkun për ta ngjitur në story, bio ose DM.
• Kopjo linkun — për çdo kanal tjetër (SMS, email, etj).

Këshillë: linku i ftesës hapet kudo në botë — familja në Gjermani, Zvicër a kudo e hap njësoj në telefon, pa instaluar asgjë.

7. Ftesa me emrat e mysafirëve

Sipas traditës sonë, një ftesë i dërgohet një familjeje me disa emra — dhe Ftoje e mbështet këtë në të dyja pakot:

Pako Klasik — dërgim me emër (si tekst)

1. Hyni në panelin tuaj (me linkun privat ose Kyçu me PIN).
2. Te seksioni „Dërgo me emër“, shkruani emrat e të ftuarve — p.sh. Familja Krasniqi ose Agimi, Vlora, Arditi dhe Era.
3. Shtypni „Krijo linkun“ — gjenerohet linku me emrat brenda.
4. Dërgojeni me butonat WhatsApp/Viber ose kopjojeni.

Kur familja e hap linkun, te ftesa shfaqet blloku „FTOHEN: Agimi, Vlora, Arditi dhe Era“ — ftesa ndihet personale, si zarf me emër.

Pako Premium — link unik + gjurmim për çdo familje

1. Hyni në panel — te seksioni „Mysafirët e ftuar“.
2. Shtoni mysafirët: emri i familjes/personave + numri i telefonit (opsional). Mund t’i shtoni një nga një, ose shumë njëherësh (një familje për rresht).
3. Për çdo familje gjenerohet link unik — i pahamendshëm, vetëm i tyre.
4. Dërgoni me një klik: butoni WhatsApp/Viber pranë çdo emri hap bisedën me mesazhin dhe linkun unik gati — ju vetëm shtypni Dërgo.
5. Gjurmimi automatik — te lista shihni për çdo familje:
   • ⚪ S’e ka hapur ende
   • 👁 E hapi ftesën
   • ✓ Konfirmoi (me numrin e personave)
   • ✗ S’vjen

Kur mysafiri me link unik hap ftesën, emri i tij shfaqet te ftesa dhe forma e konfirmimit është e paraplotësuar — atij i mbetet vetëm të shtypë „Po, do të vij“.

8. Email-et që merrni

Email-et vijnë nga njoftime@ftoje.net. Nëse s’i shihni, kontrolloni dosjen Spam/Junk dhe shënojeni si „Not spam“.

9. Pyetje të shpeshta

Sa kohë është aktive ftesa?

Klasik: 3 muaj. Premium dhe Me Porosi: 12 muaj.

A mund ta ndryshoj ftesën pas krijimit?

Për ndryshime (data, salla, emrat) na shkruani — i rregullojmë ne shpejt.

E humba linkun/PIN-in — çfarë të bëj?

Kontrolloni email-in e krijimit (nga njoftime@ftoje.net). Nëse s’e gjeni, na kontaktoni me emrat e ftesës dhe datën e eventit.

A e sheh dikush tjetër listën e mysafirëve?

Jo — lista hapet vetëm me linkun tuaj privat ose me PIN-in tuaj. Mysafirët shohin vetëm ftesën.

Kënga s’po luan — pse?

Kënga nis pasi mysafiri prek vulën për të hapur ftesën (kërkesë e shfletuesve). Sigurohuni që linku i YouTube është i saktë.

A punon ftesa jashtë Kosovës?

Po — linku hapet kudo në botë, në çdo telefon, pa aplikacion.